Азнакайлыларга файдалы киңәшләр: халык медицинасы

• Банан йомшагында туклы матдәләр һәм витаминнар күп. Ул авыз куышлыгы лайласы ялкынсынганда, диатез вакытында кулланыла.
• Меңьяфрак һәм сары мәтрүшкә төнәтмәсе сидек тотмаудан булыша. Салкын тидереп, цистит башланса, суган шулпасы (1 баш суганны ярты литр суда кабыгы белән су яртылаш кимегәнче пешерергә), һәр иртә ашарга 20-30 минут кала ач карынга эчәргә кирәк.
• Эт миләше кабыгыннан ясалган төнәтмә эч катудан, геморройдан булыша.
• Кәбестә согы ашказаны җәрәхәте белән авыручыларга киңәш ителә.
• Кишер – күзләре начар күрүчеләргә, коньюктивит белән авыручыларга менә дигән ризык. Ангина вакытында угычта уып, шикәр белән кушкан кишер ашагыз.

Фото: https://pixabay.com