Азнакай хуҗабикәләренә 8 файдалы киңәш

• Капкачы ябык банкадагы начар истән котылу өчен, аны 1 чәй кашыгы коры гәрчич кушылган җылы су белән юарга мөмкин.
• Йозакта ачкыч авыр әйләнсә, балавыз яки сабын сыларга мөмкин.
• Аш серкәсе һәм чәй содасы тыгылган торбаларны яхшы чистарта. Моның өчен раковинага 1 стакан чәй содасы салып, өстенә ярты стакан аш серкәсе агызырга, 30 минут шулай тотканнан соң, өстенә кайнар су коярга кирәк була.
• Балыкны аз гына аш тозы кушылган үсемлек мае һәм атланмай катнашмасында кыздырсагыз, тәмлерәк килеп чыга.
• Диңгез балыгы тәмлерәк булсын өчен, әзерләр алдыннан, аз гына шикәр комы сибәргә киңәш ителә.
• Кулланыр алдыннан яңа табаны кыздырырга һәм тоз ышкырга кирәк.
• Күзлек парланмасын өчен, глицеринга манылган салфетка белән сөртәгез яхшы була.
• Сыр уар алдыннан, угычка үсемлек мае сөртәгез, сыр ябышмас, угыч та җиңелрәк юылыр.

Киңәшләребез файдалы булсын!