Азнакаево
  • Рус Тат
  • Хуҗабикәләр өчен аш-су киңәшләре

    Һәрбер эшнең үз серләре була, шуңа күрә хуҗабикәләр өчен бик тә кирәкле киңәшләр белән уртаклашабыз.

    * Кара миләш кайнатмасы артык төче булмасын өчен, миләшнең 1/5 кадәр алма яки 1 кг җимешкә 2 г исәбеннән лимон кислотасы кушалар. Иң элек миләшне кайнар суда 3-5 минут пешекләп алырга кирәк.
    * Камыр әйберсе пешергәндә, рецептта күрсәтелгән күләмдәге шикәрне бал белән алыштырырга мөмкин. Бал ачырак булганлыктан, аны шикәргә караганда 1/5 өлеш күбрәк алырга кирәк.
    * Петрушканы салкын суда түгел, ә җылымса суда юганда хуш ислерәк була.
    * Фасоль, борчак тизрәк пешсен өчен һәр 5-10 минут саен суына бер аш кашыгы салкын су өстәп торыгыз.
    * Чөгендер пешкән су (тозлы булмаса) бүлмә гөлләре өчен бик яхшы ашлама.
    * Кызыл чөгендерне тозлы суда пешермәгез. Югыйсә аның тәме бозыла.
    * Сөтле ашта макарон начар пешә. Шуңа аны аерым савытта тозлы суда пешереп шулпага салу яхшырак.
    * Яшелчәләрне караңгыда сакларга кирәк. Яктыда алардагы каротин таркала башлый.
    * Кузгалак һәм кычытканны ашка азактан гына салырга кирәк. Кәстрүл капкачын япмыйча кайнатыгыз. Шул чакта алар матур яшел төсен саклап калыр.

    фото: pixabay.com

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: