Полиция вәкилләре изоляциядә һәм карантинда булучыларны тикшерә.
Бүген җаваплы затлар 14 көнлек карантинда булган азнакайлыларның карантин нормаларын үтәү-үтәмәвен тикшерделәр. Таләпләрне бозган ике кешегә закон нигезендә җавап бирергә туры киләчәк.
Хокук сакчылары шулай ук СМС-рөхсәте булмый торып та, урамда йөргән 15 азнакайлыга карата да беркетмәләр төзеделәр.
- Күпчелек кеше вәзгыятьне аңлап, өйләреннән чыкмый, әмма бер сәбәпсез урамда йөрүчеләр дә бар. Хокук бозучылар арасында яшьләр күп, - ди полиция начальнигы урынбасары Сирин Райманов.
Мондый рейдлар алга таба да уздырылачак.
Иң мөһим һәм кызыклы язмаларны Татмедиа Telegram-каналында укыгыз
