Азнакайда Мәхмүт Хәсәнов исемендәге район премиясенә конкурс игълан ителде

Резеда ШАРИПОВА, 12 апрель 2019 - 19:20

1210

Мәхмүт Хәсәнов исемендәге район премиясе мәдәниятыбызны үстерүдә лаеклы өлеш керткән, югары һәм кабатланмас һөнәри осталыгы белән аерылып торучы әдәбият һәм сәнгать әсәрләре өчен бирелә.

Аның номинацияләре:

- әдәбият (поэзия, проза, драматургия);

- журналистика, публицистика;

- сәнгать (музыка, кулланма сәнгать, театр сәнгате, хореография);

- иҗтимагый һәм агарту эшчәнлеге.

Документлар һәм материаллар 25 апрельгә кадәр “М.Хәсәнов премиясенә конкурска” дигән тамга белән мәдәният идарәсендә (Мәдәният сарае) кабул ителә.

Конкурсның нигезләмәсе белән тулырак aznakaevo-rt.ru сайтында танышырга мөмкин.