Венера Мәҗитовадан соус рецепты

4 кг помидорны, 1 кг суганны, 1 ачы борычны, ярты кг алманы юып, соңгысын төшләреннән тазартып, эрерәк кенә итеп турап, чуен кәстрүлгә пешерергә утыртырга кирәк. Шуңа 4-5 дәфнә яфрагы, 6 хуш исле (душистый) борыч, 10 данә гвоздика, ярты чәй калагыннан күбрәк төелгән корица, 2 аш кашыгы тоз (чүмәкәй итеп), 1 стакан шикәр комы да салырга. Массаны ике сәгатьләп өстен ачкан килеш кенә кайнатырга (монысы артык пары чыгып бетсен өчен шулай кирәк). Пешеп бетәргә ярты сәгать кала 5-6 тырнак сарымсак та турап салыгыз. Бераз суынгач, агач тукмак белән төя-төя, вак тишекле сөзгеч аша үткәрергә, әзер массаны тагын бер кат кайнатып чыгарырга һәм 100 грамм уксус (пыяла савыттагыны) салып болгатырга кирәк.