Наилә Фасиевадан бик тәмле эремчек запеканкасы

Запеканка өчен 1 кг эремчек, 4 йомырка, бераз шикәр комы (шәхсән мин үзем шикәр алыштыргыч кулланам, ул кибетләрдә сатыла), ярты чәй калагы сода, бер уч чамасы он (рис оны да яхшы) кирәк булачак.

Ингредиентларны яхшылап болгатабыз да майланган табага салабыз. Гадәттә мин запеканканың өстенә йогурт та сылыйм, корица сибәм. 

Запеканканы 170 градуска кадәр кызган духовкада 35-40 минут пешерергә. 

Бик тәмле һәм туклыклы килеп чыга, сез дә пешереп карагыз.