Каймак пирогы
Мондый пирогны әче камырдан да, уалып тора торган камырдан да пешерәләр. Кем ниндине ярата инде. Түбәндәге рецепт белән пешерелгән пирогның камыры аеруча тәмле, авызда эреп кенә китә.
Моның өчен 1 кап салкын акмайны угычтан чыгарабыз, шуңа 1 йомырка, ярты стакан шикәр комы, 300 грамм чамасы он, 1 кап камыр көпшәкләндергеч (разрыхлитель), бераз гына сөт кушып камыр басабыз. Камыр таралып китмәсен, йомшак булсын өчен онны чама белән салырга кирәк. Башта куна тактасында, аннан табага җәеп, кыр-кырларын кисеп алабыз. Эчлек өчен 4 йомырка белән 6 аш кашыгы шикәр комын күпертәбез, шуңа 500 грамм кибет каймагы салып болгатабыз. Пирог 40 минут чамасы пешә. Чәйләрегез тәмле булсын!
.jpg)
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев