Азнакайлыларга Зөһрә Вәлиуллинадан тәмле рецепт: карабодай белән тавык канаты

Иң элек тавык канатларын тозлы кайнар суда 10 минут пешереп суын түгәргә. Табага 1 стакан чамасы карабодай ярмасын юып салып, өстенә кайнар шулпа өстәргә, туралган кишер, баллы борыч, башлы суган, помидор, тоз, борыч, тәмләткечләр салып болгатырга. Тавык канатларын шул катнашма өстенә тезеп, табаны каплап, 40 минут чамасы томалап пешерергә. Пешеп чыккач, өстенә 1 тырнак уылган сарымсак белән, туралган петрушка сипсәң, тагын да тәмлерәк була.