Азнакай хуҗабикәләренә Зөһрә Вәлиуллинадан рецепт: кош теле

Үземнең яратып пешерә торган кош телемне бүген чәчәк формасында пешердем. Буяу кушасым килмичә чөгендер согы куштым. Эшләү тәртибе: 5 йомырка, 1 аш кашыгы шикәр комы, әз генэ тоз, он.

Барсын бергә салып (оннан башка) тугылыйм, онны азлап-азлап салып токмач камыры кебек камыр ясыйм,аннан җәймә җәям. Кискеч белән түгәрәкләр кисәм , кырларын төрле яклап кискәләп чыгам . Өч түгәрәкне берсе өстенә берсен куеп, уртасына басам да майда артык озак тотмыйча гына кыздырып алам. Кош телен савытка тезеп өстенә сироп сибәм.

Пешерегез, якыннарыгызны тәмле, матур ризыклар белән сөендерегез!