Азнакай хуҗабикәләренә Мәрьям Миннегуловадан кабартма рецепты

1,5 чәй калагы чүпрәне, 1 аш калагы шикәр комы салып, 4 аш калагы кайнаган җылымса су салып кабартып алабыз.

1 стакан сөт, ярты чәй калагы тоз, 2 аш калагы шикәр комы, кабарган чүпрәне, бер уч манный ярмасы, он салып камыр басабыз. Учка көнбагыш мае салып, янәдән камырны басып алабыз. Көнбагыш мае җылы булсын, суыткычтан гына алынган булмасын. Камырның өстен ябып, кабарырга җылы урынга куябыз. Кабарып менгәч, 50 гр түгәрәкләр ясап, җәеп, майлы табада пешереп алабыз, әйләндереп икенче ягын да кыздырабыз.