Алмадан как ясыйк

Алмаларны яхшылап юып, кисәкләргәә бүлеп үзәген алганнан соң, кәстрүл төбенә ярты стакан су салып, салмак утта пешерәбез. Кайнап чыккач, тәменчә бераз гына шикәр комы өстәп, тагын биш минут кайнатабыз. Дуршлагтан сөзгәч, газга кәстрүл белән су кайнатырга куясың, аның өстенә таба утыртасың. Таба су кайный торган савытны тулысынча, кырыйлары ачык калмаслык итеп капласын. Су кайнап чыккач, табаны майлап, әзерләнгән алма боламыгын юка гына итеп җәябез. Су акрын гына кайнап утыра, пар табаның стеналарын җылыта, как кибә бара. Менә шул рәвешле 3-4 сәгать утыргач, как әзер була.