Бүген Азнакайда Республика көнендә татар эстрадасы йолдызлары чыгыш ясаячак

Тансылу САНИЕВА, 29 август 2019 - 10:57

1331

Республика көне, Шәһәр көне, Нефть һәм газ сәнәгате хезмәткәрләре көне һәм «Азнакайнефть» идарәсенең 500 миллион тонна нефть чыгаруы уңаеннан бүген шәһәребездә зур бәйрәм уздырыла.

Бүген Азнакайда Республика көнендә татар эстрадасы йолдызлары чыгыш ясаячак

Тантана 15.00 сәгатьтә “Игелеклелек” паркында “Көзге оҗмах” фестивале белән башлана;

17.00 сәгатьтән – “Игелеклелек” паркында Әлмәт шәһәренең “Җиңел канатлар” урам театры чыгышы;

17.00-18.00 сәгатьләрдә – парк территориясендә Яр Чаллы шәһәреннән профессор Николядан күңел ачу тамаша-программасы;

17.00-17.40 сәгатьләрдә – “Юбилейный” стадионында театральләштерелгән тамаша белән бәйрәмне ачып җибәрү;

18.00-22.00 сәгатьләрдә – Татарстанның һәм Башкортстанның эстрада йолдызлары: Гүзәл Уразова, Илдар Хәкимов, Элвин Грей, Язгөл, Рифат Хөснияров һәм “Азнакай гүзәлләре” триосы, “Квартет” ансамбле катнашында зур концерт.

21.00 сәгатьтә – бәйрәм салюты.

Фото редакция архивыннан

Реклама 0+