Азнакаево
  • Рус Тат
  • Азнакайда узган “Заманча әни-2015” бәйгесендә Розалия Кадыйрова җиңү яулады

    Бүгенге чор әниләре бөтенләй башка. Алар заман белән бергә атлыйлар, белемле, актив, кыю, матур, эшендә дә, шәхси тормышында да уңышка омтылучан. Яшьләр үзәге оештырган "Заманча әни-2015" район бәйгесендә нәкъ шундый гүзәл затлар аш-суга, кул эшләренә, җыр-биюгә осталыкта үзара көч сынашты. Алты конкурсант арасыннан төп титулга 3 ул тәрбияләүче Розалия Кадыйрова...

    Бүгенге чор әниләре бөтенләй башка. Алар заман белән бергә атлыйлар, белемле, актив, кыю, матур, эшендә дә, шәхси тормышында да уңышка омтылучан. Яшьләр үзәге оештырган "Заманча әни-2015" район бәйгесендә нәкъ шундый гүзәл затлар аш-суга, кул эшләренә, җыр-биюгә осталыкта үзара көч сынашты.

    Алты конкурсант арасыннан төп титулга 3 ул тәрбияләүче Розалия Кадыйрова лаек булды. Ул сәламәтлеге чикле балалар өчен мәктәптә деффектолог булып эшли.

    Конкурста биш яшьлек Габделсаматы:

    Әниемнең кызы юк та,

    Малайлары "во" дигән! - дип чыгыш ясап, залдагыларны елмаерга мәҗбүр итте. Ул инде абыйлары ярдәмендә укырга һәм язарга да өйрәнгән. Әлбәттә, аларның шундый яхшы булуларында әтиләре Илсурның да өлеше зур.

    - Малайларыбыз шулкадәр ипле, ярдәмчел, яхшы укыйлар, һич кенә дә кызым юк дип көенерлек түгел, - ди Розалия ханым. - Мондый конкурслар зур этәргеч бирә. Улларым: "Әни, башкача мөмкин дә түгел иде, син бит безнең иң яхшысы!" - дип үсендерделәр. Аларга да сөенеч, бер горурлык. Әниләр - балалары, балалар әниләре белән шулай горурланып яшәсен!

    Резеда ШӘРИПОВА

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: