Азнакаево
  • Рус Тат
  • Азнакай укучылары мәктәп бакчасыннан мул уңыш җыеп алды

    Чубар Абдул мәктәбенең капкасыннан керүгә үк күзне аллы-гөлле чәчәкләр иркәләп, рәт-рәт тезелеп киткән кәбестә, суган, помидор, чөгендер түтәлләре каршы ала. -Гектарга якын җиребез бар. Ел саен яшелчә утыртабыз. Үсентеләрне үзебезнең теплицада әзерлибез. Укучыларга ел дәвамында тукланырга да, саткан акчасына мәктәп кирәк-яраклары юнәлтергә дә җитә, - ди мәктәп директоры Илдус Латыйпов....

    Чубар Абдул мәктәбенең капкасыннан керүгә үк күзне аллы-гөлле чәчәкләр иркәләп, рәт-рәт тезелеп киткән кәбестә, суган, помидор, чөгендер түтәлләре каршы ала.

    -Гектарга якын җиребез бар. Ел саен яшелчә утыртабыз. Үсентеләрне үзебезнең теплицада әзерлибез. Укучыларга ел дәвамында тукланырга да, саткан акчасына мәктәп кирәк-яраклары юнәлтергә дә җитә, - ди мәктәп директоры Илдус Латыйпов.

    Быел да уңыш бик мулдан. Бакчаның чисталыгына да сокланмый мөмкин түгел! Бу - тынгысыз директорның таләпчәнлеге, укытучыларның фидакарьлеге, укучыларның тыңлаучанлыгы нәтиҗәсе.

    Укучылар да, укытучылар да җәй буе җиләк-җимешен җыеп кайнатма ясый, көзен кыяр-помидорын, кәбестәсен тозлый.

    -Үзең эшләп тапкан тәмлерәк, - ди 7 нче сыйныфка баручы Искәндәр Хәйретдинов (рәсемдә сулдан беренче).

    Әнә шулай балалар хезмәт белән тәрбияләнә биредә.

    Резеда ШӘРИПОВА

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: