Азнакаево
  • Рус Тат
  • Атна буе милли ашлар белән сыйландылар

    Шәһәребезнең 7 нче мәктәбендә татар милли ашлары атналыгы узды. Бу - районда шундый беренче чара. 20 декабрьдә исә атналыкка йомгак ясалды. Укучылар икмәк, ит һәм кабак бәлешләре, кыстыбый, пәрәмәч, коймак пешереп, аларны тәкъдир иттеләр, әзерләү серләрен сөйләделәр. -Әнием пешергән икмәктән дә тәмлесе юк, - ди 5 нче сыйныф укучысы Риназ...

    Шәһәребезнең 7 нче мәктәбендә татар милли ашлары атналыгы узды. Бу - районда шундый беренче чара.

    20 декабрьдә исә атналыкка йомгак ясалды. Укучылар икмәк, ит һәм кабак бәлешләре, кыстыбый, пәрәмәч, коймак пешереп, аларны тәкъдир иттеләр, әзерләү серләрен сөйләделәр.

    -Әнием пешергән икмәктән дә тәмлесе юк, - ди 5 нче сыйныф укучысы Риназ Биков.

    Ә аның яшьтәше Алсу Зиатдинова кысытыйбыен, пирог, тортларны үзе пешереп, өйдәгеләрне куандыра икән.

    -Һәр хатын-кыз аш-суга оста булырга тиеш дип уйлым, - ди 8 нче сыйныфтан Диләрә Зиннурова.

    Реклама

    Татар ашлары атналыгы үткәрү идеясы белән производство мөдире Фәйрүзә Галләмова чыккан. Мәктәп директоры Рәфкать Мөгътәсимов аны хуплап, атна дәвамында укучыларга һәм укытучыларга төрледән-төрле камыр ашларыннан авыз итәргә мөмкинлек тудырган.

    -Без башка көннәрдә дә өчпочмак, коймак, пәрәмәч, бәккән пешерәбез, әмма болай зурлап беренче тапкыр үткәрүебез, - ди Рифкать Газизҗан улы.

    Пешекчеләрнең осталыгына кунаклар да югары бәя бирде.

    Нравится
    Поделиться:
    Реклама
    Комментарии (0)
    Осталось символов: