Азнакаево
  • Рус Тат
  • Алда – язгы чакырылыш

    Узган елның көзендә республиканың 4 меңгә якын егете биленә солдат каешы буды. Шуларның 95е Азнакай егетләре. Тиздән язгы чакыпылыш та игълан ителер. Хәрби хезмәт, аңа хәзерлек, районда бу юнәлештә башкарылучы эшләр турында безгә ТРның Азнакай шәһәре һәм Азнакай муниципаль районы буенча хәрби комиссариат бүлеге начальнигы Рәдиф Камалеев бәян итте. -Солдат...

    Реклама

    Узган елның көзендә республиканың 4 меңгә якын егете биленә солдат каешы буды.
    Шуларның 95е Азнакай егетләре. Тиздән язгы чакыпылыш та игълан ителер. Хәрби хезмәт, аңа хәзерлек, районда бу юнәлештә башкарылучы эшләр турында безгә ТРның Азнакай шәһәре һәм Азнакай муниципаль районы буенча хәрби комиссариат бүлеге начальнигы Рәдиф Камалеев бәян итте.
    -Солдат тормышы егетләргә чыныгу, сәламәт яшәү рәвешенә керү, мөтәкыйльлеккә өйрәнү өчен дә зур адым. Эш бирүчеләр дә гадәттә иң беренче чиратта: һәрвакыт дә гадәттә иң беренче чиратта: "Армия хезмәтендә булдыңмы?" - дип сорый, - Рәдиф Әнәс улы. - Безнең хәрби крмиссариат бүлеге эшчәнлегендәге төп бурычларның берсе итеп яшьләргә хәрби-патриотик тәрбия бирү чараларын көчәйтүне куя. Тулаем алганда, көзге чакырылышка әзерлек яхшы алып барылды, куелган бурычлар хәл ителде.
    Бу көздә армия сафларына алынган егетләр яхшы әзерлек белән китте: егетләрнең күбесе махсус курсларда укып шофер һөнәрен үзләштерде. Чакырылышта нигездә югары һәм махсус урта һөнәри уку йортларын тәмамлаучылар тупланды. Азнакай җирендә үскән егетләрне бүген коры җир гаскәрләре, хәрби-һава десанты, хәрби-диңгез флоты, хәрби-һава гаскәрләре, эчке гаскәрләр һәм Эчке эшләр министрлыгының махсус тәгенләнештәге хәрби бүлекләрендә ешрак күрәбез. Менә күп еллар инде егетләребез турында Мактау сүзләре генә ишетәбез, часть командирларыннан егетләребезнең әти-әниләренә һәм укыган яки эшләгән коллективларына еш килеп торган Рәхмәт хатлары дәлилли. Алдагы чакырылыш егетләребез дә сынатмас дип өметләнәбез. Инде 2013 елның язгы чакырылышына да күп калмады. Яңа бурычлар куеп, эшебезне дәвам итәбез. Гомумән алганда, безнең бүлек республикада алдынгылар исәбендә бара. Киләчәктә дә барлык юнәлешләр буенча да сынатмаска исәп.
    Рәдиф Әнәс улының сүзләрен куәтләп, районыбыз горурлыгы булган егетләребезгә яхшы хезмәт итеп, туган якларына исән-сау әйләнеп кайтуларын телибез.
    Таңсылу САНИЕВА

    Нравится
    Поделиться:
    Реклама
    Комментарии (0)
    Осталось символов: