Балалар Азнакай тарихы белән музейда таныштылар

"Өмет" үзәгенең гаиләгә һәм балаларга социаль ярдәм күрсәтү бүлекчәсе педагоглары "Яшь патриотлар" волонтерлары һәм ведомствоара исәптә торучы гаиләләрдәге балалар белән төбәкне өйрәнү музеена экскурсия кылдылар.

Азнакайның гади татар авылыннан ничек заманча нефтьчеләр шәһәренә әверелүе, нефть чыгару тарихы турында күргәзмәләр балаларны битараф калдырмады. Шулай ук Бөек Ватан сугышы ветераннарына багышланган залны да кызыксынып карадылар.

Музейда халкыбызның борынгы көнкүрешен чагылдырган экспонатлар да бар. Бу сәяхәт балаларда туган якларына мәхәббәт тәрбияләде, чын тарих дәресе булды.

Р.Гайфиева, социаль эш буенча белгеч