Азнакайлылар, интернет аша ОСАГО полисы алу ышанычлы

ОСАГО полисын интернет аша да алып була дип ишеттек. Бер караганда, бу җайлы, чират тормый гына, өйдән чыкмый полис алырга була.Икенче яктан, принтердан чыгарылган полис ышанычлымы икән? Аның төсе дә аклы-каралы гына була бит. Интернет полислар юридик көчкә ияме?

Айдар Мустафин, Азнакай.

ЮХИДИ хезмәткәрләре аңлатуынча, полисның юридик көчкә ия булуын Россия иминият берлеге сайтындагы махсус базага кереп карап тикшерергә була. Электрон полислар махсус серия белән чыгарыла. Шуңа да интернет полисларны курыкмыйча кулланырга була.