ҖӘМГЫЯТЬ
Азнакайда грипп: авырып китә калсагыз, гади, әмма үтемле чаралар
Яңгырлы көзге көннәрдә салкын тиеп авыру очраклары ешая. Грипп дигәне дә ерак йөрми. Авырып китә калсагыз, гади, әмма үтемле чараларны белеп тору комачауламас. ☛ Аягыгызны 20 минут кайнар суда тотыгыз. Моны йокларга ятар алдыннан эшләсәгез, процедурадан соң, аяк табаннарына җылыта торган бальзам яки спирт ышкыгыз. Өстеннән җылы оекбаш киегез. ☛...
Яңгырлы көзге көннәрдә салкын тиеп авыру очраклары ешая.
Грипп дигәне дә ерак йөрми. Авырып китә калсагыз, гади, әмма үтемле чараларны белеп тору комачауламас.
☛ Аягыгызны 20 минут кайнар суда тотыгыз. Моны йокларга ятар алдыннан эшләсәгез, процедурадан соң, аяк табаннарына җылыта торган бальзам яки спирт ышкыгыз. Өстеннән җылы оекбаш киегез.
☛ Борыныгыз томаланса, табада биш аш кашыгы тоз җылытыгыз. Кайнарлангач, оекбаш эченә салып яки кулъяулыкка төреп, борын астына куеп торыгыз. Тоз урынына яңа гына пешкән күкәй куярга да була. Аны, пешермәс өчен, сөлгегә төреп тотарга кирәк.
☛ Тамак авыртса, сулыш алып булмаса, ике чикмәнле бәрәңге пешерегез. Һәрберсен дүрт өлешкә бүлеп, кабат кәстрүлгә салыгыз. Бәрәңге «шулпасы»на өч тамчы йод (берничә тамчы эвкалипт маен өстәсәгез, тагын да яхшырак була) тамызыгыз. Сөлгене башыгызга каплап, кәстрүл өстенә иелеп, пар өстендә сулагыз. Әмма сак булыгыз, тамагыгызны пешермәгез. Ингаляция тамак авыртканда һәм борын тыгылганда яхшы нәтиҗә бирә.
☛ Тамак авыртканда кайнаган җылы суга бер бал кашыгы сода, ике тамчы йода салыгыз һәм шуның белән тамагыгызны чайкагыз.
☛ Температура булганда, кура җиләге белән кара карлыган булыша. Аларны җылы суга салып болгатып эчегез.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев