Азнакай районы халкына Дәүләт төркемнәренең мөһимлеге турында сөйләделәр

ВКонтакте һәм Одноклассники социаль челтәрләрендә булдырылган битләр хакимият органнарының ачыклыгын арттыра, шулай ук дәүләт оешмалары турында аңлаешлы, төгәл, тулы мәгълүмат бирә. Татарстан Дәүләт пабликлары саны буенча Россиядә лидер булып тора. Һәр төбәк, шул исәптән Татарстан Республикасы өчен органнар һәм оешмалар исемлеге Росстат мәгълүматлары нигезендә билгеләнде.

Азнакай район халкы «ВКонтакте» дәүләт төркемнәреннән актуаль мәгълүмат таба һәм элемтәгә керә ала. Аларның иң актуале - безнең муниципаль район башкарма комитеты төркеме.

Район башлыгының матбугат сәркатибе дәүләт төркемнәренең өстенлекләре турында сөйләде:

“Дәүләт төркемнәре рәсми дәүләт учреждениеләрендә булган  яңалыкларны һәм рәсми хәбәрләрне соңармыйча, үз вакытында халыкка җиткерү өчен кирәк. Мондый төркемнәрдә хакимият органнары һәм дәүләт учреждениеләре үз эшләре турында ышанычлы һәм актуаль мәгълүматны бастырып чыгарырга һәм шәһәр халкының сорауларына комментарийларда җавап бирергә тиеш. Дәүләт төркемнәре халыкка уңайлы булсын, үз проблемалары турында оператив рәвештә хәбәр итә алсын өчен төзелгән”, - шулай дип белдерде.

Төркемнәр мөрәҗәгатьләрне кабул итү, халыкны борчыган сорауларга кыска вакыт эчендә җавап бирү функциясен үти.  Шулай ук дәүләт төркемнәрендә авыл һәм район тормышы вакыйгалары һәм чаралары турында актуаль мәгълүматны табарга мөмкин.

#Госпабликиреспубликитатарстан #Госпаблики