15 март–кулланучылар хокуклары көне

15 март - Бөтендөнья кулланучылар хокуклары көне. Быел ул сәламәт туклануга багышлана. Үзебез үк белеп торабыз, кибетләрдәге бар азык-төлек тә сыйфатлы, сәламәтлек өчен файдалы түгел. Шуңа да ризыкка игътибарлы булу, сатып алганда аның эшләнү технологиясе, куллану сроклары белән танышу мәслихәт. Әгәр кулланучы буларак хокукларыгыз бозылу, я булмаса кибетләрдә сыйфатсыз товар сату очракларына тарысагыз, 17 мартта 9.00-17.00 сәгатьләрдә эшлиячәк (12.00-13.00 - төшке аш вакыты) 7-32-42, 7-14-80 "кайнар линия" телефоннары аша мөрәҗәгать итегез. Белгечләрдән барлык сорау-гозерләргә җавап алырсыз.