Азнакайда “Тонировка” рейды уздырылды

Техник регламент таләбе буенча җил тәрәзәчекләренең яктылык кертү нормасы 75 проценттан, алдагы ян-яктагыларның һәм ишек пыялаларының 70 проценттан ким булмаска тиеш. Әмма көзге эффектлы пыяла куллану рөхсәт ителми. Хокук бозучыларга 500 сум күләмендә административ штраф каралган.

– Бу атнада уздырылган чираттагы рейдта хокук бозган 12 машина йөртүчегә административ җаваплылык турында беркетмә төзелде, – ди район ЮХИДИ бүлеге начальнигы Александр Лаврентьев.