Азнакай картингчысы ярышлардан медаль белән кайтты

Бу чорда алар ярышлардан кайтып та керми диярлек. Узган атнада картингчылар Ютазы районы башлыгы кубогына уздырылучы ярышларның икенче этабында катнаштылар.  Пилотлар йөртү осталыкларын күрсәтеп кенә калмадылар, юл хәрәкәте кагыйдәләрен  ни дәрәҗәдә белүләрен дә сынадылар.

Ярышларда “Ротакс Макс Юниор” классында Азнакайдан Фәнил Хәйбрахманов  өченче урынга лаек булды.

Спортчының тренерлары – Ренат Җиһаншин һәм Рамил Гарипов.