Азнакай ДОСААФ җәмгыяте Балаларны яклау көненә багышланган чара уздырды
Балалар бу көнне ДОСААФ җәмгыятендә экскурсиядә булдылар
Җәмгыять рәисе Гәрәй Хәмидуллин укуларның ничек узуы, машина йөртү таныклыгын ничек алырга кирәклеге, юл йөрү кагыйдәләре турында сөйләде. Балалар машиналарны карап кына калмадылар, аларга утырып нәни “шоферлар” да булып та алдылар, юл йөрү кагыйдәләре турында видео роликлар да карадылар. Балалар юлны аркылы чыкканда яктырткыч элементлар тагарга, транспортка утыргач, куркынычсызлык каешын эләктерергә кирәклеге турында кабат исләренә төшерделәр.
Экскурсия ахырында балаларга истәлекле бүләкләр бирелде. Кечкенәләр экскурсиядән бик канәгать калып, киләчәктә дә килергә теләкләрен белдерделәр.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев