“Җиде – бәхетле сан, ә “Маяк”ны тизрәк укыйсы килә”

Бүләкләр уйнату видеога төшереп рандомайзер программасы ярдәмендә үткәрелә. Бу юлы очраклы саннар генераторы исемлектән 7 номерлы язылучыны сайлап алды. Ул – «Өмет» үзәгенең гаиләгә һәм балаларга социаль ярдәм бүлекчәсе мөдире Лилия Хәлимова булып чыкты. 

– Социаль яклау үзәге хезмәткәрләренең күбесе газетаны эш урынына яздырта – бик уңайлы бу. “Маяк”ның һәр яңа санын көтеп торабыз, юрисконсультыбыз Зөлфия Латыповадан газетаны кабинетларга тизрәк таратырга сорыйбыз. Район кешеләре турында язмаларны укырга, файдалы киңәшләр белән танышырга бик кызык. Әти-әниләребез гомер буе “Маяк”ны укыйлар, кызыбыз Лилиана да журналист һөнәрен сайлады. Шуңа күрә «Маяк» безнең өчен якын дус һәм киңәшче кебек, газетабыз һәр йортка яхшы хәбәрләр генә китереп торсын, – диде Лилия Хәлимова.