Уразай авылында сайлаулар бәйрәм төсен алды
Уразай авылының Мәдәният йортында урнашкан 543 нче сайлау участогында иртәдән чын бәйрәм төсе: үзешчәннәр тырышлыгы белән әзерләнгән концерт номерлары һәркемнең күңеленә хуш килде. Халык та участокка елга урынына агыла.
- Безнең авылда сайлаулар гел шулай оешкан төстә, зур бәйрәм кебек уза. Район-шәһәр Мәдәният йорты коллективына аерым рәхмәт сүзләрен җиткерәбез. Әби-бабайлар үзешчән артистларыбызга кушылып җырлыйлар, рәхәтләнеп бииләр, - ди участок сайлау комиссиясе рәисе Фәйрүзә Хөсәинова.
Уразай - районыбызда иң зур авылларның берсе. Биредә 543 сайлаучы теркәлгән. Аларның алтысы - беренче тапкыр тавыш бирүчеләр.
Әлеге мөһим чарадан Рәзил Бәдретдинов та читтә калмаган. Тавыш бирү участогына ул әтисе Рәсим һәм әнисе Илгизәрә белән килгән. Рәзил - Батырлык ордены иясе. Махсус хәрби операциядә каты яраланса да, ул тормышка булган мәхәббәтен һич кенә җуймаган.
- Кеше үзенең гражданлык позициясен белдерергә тиеш. Сайлау хокукы бирелгән икән, аннан файдаланырга, үзеңнең сүзеңне әйтергә кирәк, - ди ул.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев