Татшуган авылында сайлау оешкан төстә бара
Авылыбыз киләчәккә якты өметләр белән атлый
Авылның өлкәннәре иртән үк, барысы да бердәм булып, сайлауга ашыга, һәммәсе дә илебез киләчәге якты булсын дип өметләнә.
Районыбызның Мактаулы гражданины Сибгатуллин Хатип абый:
"Сайлауларда катнашу - безнең төп гражданлык бурычыбыз, дөньябыз имин булсын", - ди.
Авылда балалар, гаиләләр белән сайлау участогына килү - матур күренеш. Яшьләрдән дүрт беренче тапкыр сайлаучы үз тавышын бирде. Сайлау көнендә узган "Нәүрүз" авылда бәйрәм рухын өстәде.
Килгән халык борынгы гореф-гадәтләргә нигезләнгән чарада күңел ачты. Һәммәсе карга боткасыннан, коймактан, сый-нигъмәтләрдән, самовар чәеннән авыз итте.
"Халкыбыз йолаларын саклап килүче "Нәүрүз" бәйрәмен уздыру матур гадәткә әйләнде, бәйрәмебез элек-электән халкыбызга киләчәккә карата якты өмет, дәрт-дәрман бирә, тормышны яратырга өйрәтә", - дип чыгыш ясады Татшуган авылының мәдәният йорты җитәкчесе Асия Мөхәммәтгарипова.
Әнә шулай, авылыбыз киләчәккә якты өметләр белән атлый.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев