Азнакай районында сайлау участоклары ачылды

Бүген - Бердәм тавыш бирү көнендә азнакайлылар җиденче чакырылыш Татарстан Дәүләт Советына депутатлар сайлыйлар.

Иртәнге сәгать 7дә Азнакай шәһәре һәм районында 62 сайлау участогы үз ишекләрен ачты. Аларның 20 се – Азнакайда булса, 42се – авылларда урнашкан. Участокларның барысы да сайлауны югары дәрәҗәдә уздыру өчен тулысынча әзер.

Район буенча барлыгы 46405 сайлаучы теркәлгән.

Тавыш бирергә килүчеләр ике бюллетень ала. Аның берсе – сәяси партияләргә тавыш бирү өчен булса, икенчесе - бер мандатлы округлар буенча депутатлар сайлау өчен.

Сайлау участоклары халыкны кичке сигезгә кадәр кабул итәчәк.

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!