Сорау – Җавап: Күзлекне оптикага кире кайтарып буламы?

Укучыбыз Л. Зарипова соравы:

Күзлекне сатып алган идем, ләкин алар формасы буенча туры килмәде һәм уңайсыз. Күзлектә бернинди дефект та юк. Мин аларны кире кайтара аламмы?

Җавап (Татарстан Республикасы Дәүләт алкоголь инспекциясенең Әлмәт территориаль органы мәгълүматы буенча):

✅Беренче кагыйдә:

Күзлекне кире кайтару мөмкинлеге аларның сыйфатына һәм ничек сатып алынуына бәйле.

1. Әгәр күзлектә дефект (җитешсезлек) булса:

Кулланучының хокукы бар:

• Акчаны кайтару,
• Товарны алыштыру,
• Яки кимчелекләрне бетерүне таләп итү.

💡 Мөһим:

• Сатучыга гарантия срогы эчендә мөрәҗәгать итәргә.
• Гарантия булмаса – РФ Законы буенча товарны алганнан соң 2 ел эчендә.
• Чек булырга тиеш. Чек югалса – шаһитлар яки чек күчермәсе дә дәлил була ала.
• Дефект җитештерүче гаебе белән булырга тиеш. (Үзегез ватып, дөрес файдаланмасагыз – кабул ителми.)

2. Әгәр күзлек сыйфатлы, ләкин туры килми икән:

Бу очракта кире кайтару хокукы юк.
Ни өчен?
Әзер күзлекләр – медицина эшләнмәләре исемлегенә керә, аларны алмаштырып булмый (РФ Хөкүмәте карары № 2463).

3. Әгәр күзлек рецепт буенча заказга әзерләнгән булса:

• Алар рецептка тулысынча туры килергә тиеш.
• Тиешле сыйфаттагы күзлекне кабул итү-тапшыру акты имзаланганнан соң кире кайтару яки алмаштыру мөмкин түгел.
• Әмма заказ әзерләнгәнче, кулланучы башкаручыга чыгымнарны түләп, баш тарта ала (32 маддә).

 Йомгак:

Күзлекне тик җитешсезлекләр булган очракта гына кире кайтарып була.
Формасы, стиле ошамаса яки уңайсыз булса – алыштыру яки акчаны кайтару күздә тотылмый.

 Киңәш:

Бәхәсле хәлләрдә – сатучыга язмача дәгъва белән мөрәҗәгать итегез. Кирәк булса – кулланучылар хокукларын яклау буенча белгечләрдән консультация алыгыз.