МӘДӘНИЯТ
Кырау төшкән бүген җир өстенә
Халидә Галимова. Азнакай
Кырау төшкән бүген җир өстенә
Ялмап алган аткан гөлләрне
Чиләк өсләрендә боз элпәсе
Яфракларда кырпак эзләре.
Куырылган алма чәчәкләре
Башын игән чия ботагы.
Инде матур язлар килде, дисәм
Табигатькә ни булды тагын.
Шөкер итә белмисез бит, диеп
Раббым бераз дәрес бирдеме
Кеше күңелендә булган суык
Кырау булыа җиргә иңдеме.
Кырау эрер, бәлки яңарырлар
Баш күтәреп атар гөлләр дә.
Иман нуры сүндерми күңелдә
Сакла, Тәңрем, килер көннәрдә.
Халидә Галимова. Азнакай
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев