Әлкәй авылында балаларга кызыклы экскурсия үткәргәннәр
Әлкәй авылы мәдәният йорты каршындагы җәйге лагерьда тәрбияләнүчеләр «Мин – киләчәк граждан: Авыл җирлеге белән танышу» дип исемләнгән бик файдалы экскурсиядә катнашканнар.
Балалар авыл җирлеге администрациясенә сәфәр кылып, туган якның эшчәнлеге белән якыннанрак танышканнар. Алар биредә үзләрен кызыксындырган сорауларын биргәннәр һәм өлкәннәр хезмәтенең нечкәлекләрен өйрәнгәннәр.
Авыл җирлеге башлыгы Арсланов Айдар Нафисович һәр бала белән уртак тел табып, барысын да гади дә, аңлаешлы итеп сөйләгән. Балалар өчен кечкенә бәйрәм оештырып, аларны тәмле туңдырма белән сыйлаган!
Нәкъ менә шундый җылы очрашулар балалар күңелендә туган як турында онытылмаслык матур истәлекләр калдыра.
Чыганак: Азнакай район Советы матбугат хезмәте
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев