Азнакайларның яшь буыны татар халкының милли мирасын өйрәнә
Төбәкне өйрәнү мүзеенда «Азнакай» шифаханәсендә ял итүче балалар өчен «Халкым бизәкләре» исемле күңелле чара уткәрелде.
Бирегә килгән балалар татар халкының кул эшләнмәләре - тукылган, чигелгән сөлгеләр, өстәл, карават япмалары, кулъяулыклар, хатын - кызларның зәркан бизәнү әйберләре, милли кием үрнәкләре белән таныштылар. Әлеге хәзинәләр барысы да матурлап эшләнгән сандыкка урнаштырылган иде. Шуларны кызлар, малайлар берәм - берәм сандыктан ала бардылар, ә музей экскурсоводлары әйберләрнең һәрберсе турында аңлатма бирделәр.
Соңыннан милли уеннар - "Йөзек салышлы", "Түбәтәй" уеннары оештырылды, җырлы - биюле талантларын да күрсәттеләр. Шулай итеп, музейга килгән кунаклар халкыбыз хәзинәләре, гореф - гадәтләре турында күп мәгълүмать алдылар.
– Яшь буынны татар халкының тарихи-мәдәни мирасы белән кызыксындыру, рухи кыйммәтләребезне барлау һәм татар теленең дәрәҗәсен күтәрү максатында балалар өчен мондый чараларны һәрдаим үткәреп торабыз, – дип сөенече белән уртаклаша музей экскурсоводы, штаттан тыш хәбәрчебез Гөлфия Мостафина. - Уку елы вакытында да, җәйге каникулларда да, балалар өчен татар халкының рухи байлыгын, мәдәниятен, тарихын яктырткан проектларны Азнакаебызда тормышка ашырырга тырышабыз.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев