Әлкәй мәктәбендә галим Вәли Хаҗиевны искә алдылар
Әлкәй авылында туып үскән галим, мәгърифәтче, Татарстанның Атказанган укытучысы, РСФСРның мәгариф отличнигы Вәли Хаҗиевның тууына 115 ел тулуга багышланган әдәби-музыкаль кичә узды.
Вәли аганың туганы, Татарстанның Атказанган мәдәният хезмәткәре, журналист-ветеран Нәсимә Камалиева, ветеран-укытучы Ильмира Фәрукшина үзләренең истәлекләре белән уртаклаштылар.
Татар теле һәм әдәбияты укытучысы Зинфера Заһитова һәм тарих укытучысы Фәридә Закирова галимнең тормыш һәм хезмәт юллары буенча презентация әзерләгәннәр. 8 нче сыйныф укучысы Лилия Сәлахова кичәне матур итеп алып барды, укучылар җырлар һәм шигырьләр, театраль күренешләр белән бизәделәр.
Әдәби бәйгеләрдә җиңгән укучыларга Мактау грамоталары тапшырылды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев