Азнакайның иң көчле химия укытучылары республикада танылды
Педагоглар республика бәйгесендә призер булды.
Татарстан Республикасында химия укытучыларына ярдәм итү буенча үткәрелгән “Химиянең барлык кырлары” (“Все грани химии”) республика конкурсында Азнакай районы педагоглары уңышлы чыгыш ясады.
Республикадагы иң көчле химия укытучыларын берләштергән әлеге дәрәҗәле бәйгедә Ләлә Гаязова (Актүбәнең 2 нче мәктәбе) һәм Галия Сәлифова (8 нче мәктәп) призер исеменә лаек булды.
Бәйге педагогларның һөнәри осталыгын бәяләү генә түгел, ә тәҗрибә уртаклашу мәйданы да булып тора. Быелгы конкурста республика буенча күп кенә талантлы укытучылар катнашкан.
Азнакай педагогларының уңышы – район мәгариф системасының көчле булуын күрсәтә. Укытучыларны әлеге казанышлары белән котлыйбыз һәм киләчәктә дә яңадан-яңа җиңүләр телибез!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев