Азнакай шәһәренең 7 нче мәктәбе 27 укучысын олы тормыш юлына озатты
Быел да, зур сынаулар узган чыгарылыш сыйныф укучыларының мәктәпләре, яраткан укытучылары белән саубуллашыр көннәре җитте.
Бүген шәһәребезнең 7 нче мәктәбе дә үзенең 27 "кошчыгын" олы тормыш юлына очырды.
Әлеге мәктәп елның-елында районыбызга иң күп уку алдынгыларын бирә. Быелгы чыгарылыш сыйныф укучыларының алтысы – медаль ияләре. Аларның дүртесе мәктәпне алтын медаль белән тәмамлаган.
27 укучы өч сыйныфта, төрле профильле – табигый-фәнни, технологик, социаль-икътисадый юнәлеш буенча буенча белем алган.
Балалар иҗаты үзәгендә узган чыгарылыш кичәсендә ТР Дәүләт Советы депутаты Нәҗип Хаҗипов, район башлыгы урынбасары Роза Галеева да катнаштылар.
– Балаларыбызга иң изге теләкләребезне юллап, аларның барлык уй-хыялларының тормышка ашуларын теләп калабыз, – диде мәктәп директоры Ирина Нургалиева, тантаналы чараны ачып.
Укучыларны, аларның әти-әниләрен җитәкчеләр дә котлады.
– Тирән белем биргән, акны карадан, яхшыны начардан аерырга өйрән укытучыларыгызны, сезнең өчен утка-суга керергә әзер булган әти-әниләрегезне онытмагыз. Белем алып, кулыгызга диплом алганнан соң сезнең барыгызны да Азнакайда көтеп калабыз. Хәерле ак юл сезгә, егетләр-кызлар! – диде район башлыгы урынбасары.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев