Азнакайда елның иң яхшы тәрбиячесен билгелиләр

Бүген шәһәрнең 14 нче «Родничок» балалар бакчасы базасында «Ел тәрбиячесе-2023» Бөтенроссия конкурсының муниципаль этабы старт алды.

Ул тәрбиячеләр һәм балаларга татар теле буенча белем бирүчеләр арасында ике номинация буенча үткәрелә.

— Конкурс өч көн барачак. Беренче көнне тәрбиячеләр занятиеләр күрсәтсә, аннан соң үзләре белән таныштыра, мастер-класслар үткәрәчәкләр. Тәрбияче бала белән бер дулкында булырга тиеш. Шуңа җиңүчеләрне билгеләгәндә тәрбиячеләрнең балалар белән ничек эшләвенә, аның һөнәри дәрәҗәсенә, занятиеләрдә заманча алымнар куллануына игътибар бирәчәкбез, — ди мәгариф идарәсе методисты Эльвира Сәитова.

Муниципаль этапта җиңү яулаган тәрбиячеләр Азнакай данын зона бәйгесендә яклаячак.

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!