Азнакай политехника техникумында чыгарылыш кичәсе узды
Быел техникумны 95 студент тәмамлаган. Алар арасында автомобильләр ремонтлау һәм хезмәт күрсәтү мастерлары, авыл хуҗалыгында техник-механиклар, эретеп ябыштыручылар, пешекчеләр, штукатур-буяучылар...бар
Техникум иртәдән үк бәйрәм төсен алды. Бәйрәмчә киенгән чыгарылыш студентлары, педагоглар, әти-әниләр һәм әлбәттә җитәкчеләр тантанага җыелдылар. Район Советы аппараты җитәкчесе Айдар Хәлиуллин тантаны ачып, район башлыгы Марсель Шәйдуллин һәм шәхсән үзе исеменнән чыгарылыш студентларын, укытучылар, әти-әниләрне бәйрәмнәре белән котлап изге теләкләрен җиткерде. Биредә алынган һөнәрләрнең бүгенге көндә бик кирәкле булуын, аларны районыбыз оешма-предприятиеләрендә эшкә көтеп алуларын ассызыклады. Аның теләкләренә техникум җитәкчесе Роберт Хөснетдинов та кушылды һәм укытучылар, әти-әниләр, һәрдаим ярдәм күрсәтеп торган районыбыз җитәкчеләренә, студентлар практика узган оешма-предприятие җитәкчеләренә олы рәхмәтен җиткерде. Тантана студентларның үз көче белән әзерләнгән концерт номерлары, бүләкләүләр белән үрелеп барды.
Тулырак “Маяк” газетасыннан укырсыз.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев