Көнкүреш химиясен кире кайтарып буламы?
Кибеттән сатып алынган кер порошогы тыгыз кисәкләргә җыелган булып чыкты.
Аны кибеттә алыштырып бирүдән баш тарттылар.
Бу очракта кем хаклы?
Алия Сәмигуллина, Азнакай
Газета укучыбызның әлеге соравын ТР буенча Дәүләт алкоголь инспекциясенең Әлмәт районы буенча бүлегенә җибәреп, белгечләрдән түбәндәге җавапны алдык.
– “Кулланучылар хокукларын яклау турында”гы законның 25 нче маддәсе нигезендә, сыйфаты шик тудырмаган товар төсе, зурлыгы, фасоны яки комплектациясе белән туры килмәгән очракта, аны сатып алганнан соң 14 көн эчендә кире кайтарып була. Ләкин монда искәрмәләргә дә игътибар итәргә кирәк. Әлеге исемлеккә көнкүреш химиясе дә керә (кер юу порошоклары, сабын, агарту чаралары, шампунь). Шулай итеп, Ваклап сату-алу шартнамәсе буенча товарлар сату кагыйдәләре нигезендә, тиешле сыйфатка ия булган көнкүреш химиясен кире кайтару яки башкасына алыштыру мөмкин түгел.
Әгәр дә товар сыйфатлы булмаса, бу очракта сез сатучыга дәгъва белән мөрәҗәгать итә аласыз.
Сатып алынган товарлардагы җитешсезлекләрне яки аларның яраклылык вакыты чыгуны сыйфатсыз дип атарга мөмкин.
* Мәсәлән, товар структурасының туры килмәве: әгәр сыеклык гельгә охшаган эзлеклелеккә ия булса, порошок тыгыз кисәкләргә әйләнсә, гранулалы капсулалар формасын тотмаса һ. б.
* Товарда каралган механик әйберләр эшләмәсә дә, аның сыйфатында шик туарга мөмкин. Мәсәлән: сиптергеч эшләми яки аннан сыеклык ага икән.
* Товарның куллану вакыты чыкканлыгы ачыкланса да дәгъва белдерергә мөмкин.
Сыйфатсыз, бозылган көнкүреш химиясе алган очракта, сез товарны кире тапшырып, түләнгән акчаны алырга яки аны сыйфатлысына алыштырырга хокуклы.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев