Бүген Таксимә Гарипова юбилеен билгеләп үтә!

Тәкъсимә Миннеяр кызы - педагогик хезмәт ветераны, районыбызның Мәгариф музеена нигез салучы һәм туган як тарихын тугры саклаучы. Аның Учәлле авылы мәктәбе тарихына багышланган китабы да – якташлары өчен бәһасез бүләк. «Гөлстан» әдәби берләшмәсе әгъзасы буларак, ул татар әдәбиятын саклауга һәм үстерүгә зур өлеш кертә.

Тәкъсимә ханым! «Маяк» газетасы редакциясе сезнең хезмәтегез белән ихлас соклана. Сезгә ныклы сәламәтлек, саекмас илһам чишмәләре, яңа иҗат җимешләре телибез. Һәр яңа көн шатлык алып килсен, үрнәк гаиләгез һәрчак Сезне шулай сөендереп торсын!