«Маяк» — 28.02.2025 яңалыкларына күзәтү

• “Йолдызлык” йолдызлар балкытты. Фестивальдә барлыгы 1600 дән артык бала чыгыш ясый.
• Егетләр һәм кызлар паспорт алдылар Ватанны саклаучылар көне алдыннан 14 яшен тутырган азнакайлыларга тантаналы рәвештә паспорт тапшырдылар.
• Шахмат – зирәкләр уены. Татшуган авылында Ватанны саклаучылар көне уңаеннан шахмат ярышы үтте.
• Рәхмәт сезгә, ветераннар! Азнакайның 10 нчы “Алтынчәч” балалар бакчасында мәгариф өлкәсендә намуслы хезмәт куйган өч ветеранга Җиңүнең 80 еллыгы уңаеннан юбилей медальләре тапшыру тантанасы узды.
• Фәнис Тимербаев әле бүген дә рульдә. Мәктәп автобусында балаларны йөртә. Нәни пассажирларының һәр сәфәрен үзенчәлекле итәргә тырыша.
• Рузилә Зарипова 80 яшьтә дә актив иҗтимагый тормыш алып бара. 2002 елдан Рузилә апа Урсай авылының ветераннар советын җитәкли. 
• Узган атнада «Алга» футбол манежында махсус хәрби операциядә батырларча һәлак булган Руслан Гыйльметдинов истәлегенә балалар арасында футбол турниры үтте.
• Гадәти генә туган көн түгел… Татарстанның һәм Россиянең халык артисты, Г.Тукай исемендәге Дәүләт бүләге лауреаты Әзһәр Шакировка 22 февральдә 85 яшь тулды.

Газета бәясе: җомга саны - 25 сум, чәршәмбе саны - 10 сум. "Маяк"ны редакция бинасында сатып алырга була.

Эш сәгатьләрендә 8:00 дән 17:00 гә кадәр Хәсәнов ур., 12 адресы буенча килегез.