Без каһарманнарыбызга бурычлы

«Рамилнең куллары алтын аның. Аның эшли алмаган эше юк, евроремонт белән шөгыльләнде. Акчадан түгел, барам илне саклыйм, диде, – ди тормыш иптәше Элиза ханым. – “Курыкмыйсыңмы соң?” дигәч, “Юк курыкмыйм” диде. Шундый кыю йөрәкле ул».

Тымытык авыл җирлеге башлыгы Эльвира Гыйләҗева да Элизаның сүзләрен җөпләде: «Үзе теләп, мин башкача булдыра алмыйм, – дип китте», – ди ул.

Район башлыгы очрашу барышында хәрбинең, аның гаиләсенең хәл-әхвәлен, нинди ярдәм кирәклеген белеште, исән-сау илебезгә әйләнеп кайтуын теләде. Бүгенге көндә бу һәммәбезнең дә теләге. Һәммәбез дә каһарманнарыбызның тизрәк кайтуын көтә. Тыныч кына, рәхәт итеп яшәвебезгә менә шундый кыю егетләребезгә бурычлыбыз без.