Югары стәрле авылында яшәүче Галия апа Гәрәйшинадан телне йотарлык тәбикмәк рецепты

Аның буенча пешерелгән тәбикмәк бик йомшак һәм телеңне йотарлык тәмле була.

Аның өчен 700 мл җылымса сөткә 1,5 чәй калагы коры чүпрә, 4 аш кашыгы көнбагыш мае,  4 аш калагы шикәр комы, тәменчә тоз салып, яхшылап болгатабыз. Шуңа 700 гр чамасы манный ярмасы, чәй тәрлинкәсенә элеп кенә он салып, куерак камыр ясыйбыз. 1 йомырка салабыз да, яхшылап туглыйбыз һәм 1,5 сәгатькә җылы урынга кабартырга куябыз. 3 йомырканы миксер ярдәмендә күпертеп алабыз да, кабарган камырга кушып, тагын ярты сәгатькә калдырабыз. Яхшылап күтәрелгән камырга 700 мл кайнаган сөт өстәп (аңа чеметеп кенә чәй содасы да кушарга кирәк), 20 минут ял иттерәбез һәм пешерәбез. Ике яклап та ак май белән майлап (теләгән кеше көнбагыш мае да куша ала) табынга куябыз. Чәйләрегез тәмле булсын!