Куе кабак ашы рецепты

Кирәк:

• бер бәләкәй кабак яисә уртача зурлыктагы ярты кабак;

• сөт өсте (сливкалар);

• бер зур кишер;

• бер зур суган;

• үсемлек мае;

• тоз;

• борыч;

• ипи

Кәстрүлдә үсемлек маенда кишер белән суганны җиңелчә кыздырып алабыз. Тәменчә тоз-борычны салып, туракланган кабакны салабыз да бер-ике стакан су өстибез. Кайнап чыкканганга 20 минут тирәсе булгач, уттан алабыз һәм блендер белән ваклыйбыз. Сөт өстен (сливкаларны) салып кайнатып чыгарабыз да тәмле ашыбыз әзер!