Күңеле һаман балаларга тарта

Балалар иҗаты үзәгенең мәгариф музеенда кызыклы очрашулар еш була. Күптән түгел биредә ветеран укытучы Клавдия Ежова кунак булды.

"Яшь туган якны өйрәнүче" берләшмәсе әгъзалары аның чыгышын кызыксынып тыңладылар.

Клавдия Ивановна тумышы белән Ульяновск өлкәсенең Березовское авылыннан. Язмыш аны Азнакайга 1964 елда алып килә һәм ул 2 нче урта мәктәптә рус теле һәм әдәбияты укыта. Аңа инде 83 яшь! Педагог һаман да күңеле белән балалар арасында: укучыларның күпсанлы сорауларына җавап бирде, тырышып укырга, хезмәтне сөяргә, туган якны яратырга өндәде.

Укучылар исә аның турында альбом төзеп, мәгариф музеена бүләк итәргә вәгъдә бирделәр.

Т.Гарипова, мәгариф музее бүлеге мөдире