Азнакайның яшьләр лидерлары Рәмзилне планшетлы итте

Азнакай җитәкчеләре, депутатлар, иҗтимагый активистлар  бу көннәрдә физик мөмкинлекләре чикле балаларның менә шул хыялларын тормышка ашыручы Кыш бабайларга әверелделәр.

 Яшьләр парламенты әгъзалары Чыршыдан алган теләк Түбән Якыйда яшәүче 5 яшьлек Рәмзилнеке булып чыкты. Ул Кыш бабайдан планшет сораган. Бу хакта белеп алуга ук яшьләр лидерлары Кыш бабай һәм Кар кызы белән авылга ашыкты. Кунакларга Рәмзил бик тә куанды. Якыннары сабыйга булган игътибар һәм бүләк өчен рәхмәт әйтеп туймады.