ҖӘМГЫЯТЬ
Азнакай шоферларын "дөрес булмаган тәгермәчләр" өчен киләчәктә 2 мең сум штрафка тартырга мөмкиннәр
Соңгы көннәрдә Азнакайда 20гә якын юл һәләкәте булган. - Безнең халык җәза булмый торып, үзенең һәм башкаларның гомерен куркыныч астына куйса куя, әмма андый әйберләргә бик игътибар итми бит ул. "Штраф" дигән сүздән генә бераз "шөлли"ләр, - дип хәбәр итә ЮХИДИнең пропаганда буенча инспекторы Илдар Исхаков. - Дәүләт Думасы депутатлары...
Соңгы көннәрдә Азнакайда 20гә якын юл һәләкәте булган.
- Безнең халык җәза булмый торып, үзенең һәм башкаларның гомерен куркыныч астына куйса куя, әмма андый әйберләргә бик игътибар итми бит ул. "Штраф" дигән сүздән генә бераз "шөлли"ләр, - дип хәбәр итә ЮХИДИнең пропаганда буенча инспекторы Илдар Исхаков. - Дәүләт Думасы депутатлары бу турыда да уйлана башлаганнар инде. Киләчәктә ел фасылына карап, тиешле тәгәрмәч белән йөрмәгән өчен машина йөртүчеләргә штраф та каралырга мөмкин. Күләме дә аз түгел, 2 меңнәр тирәсе.
Әмма иң әһәмиятлесе: үзеңне һәм юлда йөрүчеләрне бәла-казадан сакларга кирәклеге турында онытмасак иде. Бу юлда йөрүче җәяүлеләргә дә кагыла. Шәһәр читендәге юлларда, бигрәк тә менә шундый буранлы, караңгы көннәрдә киемдә махсус яктырткыч тамга-тасмалар булырга тиеш. Бу кагыйдәләр бозылганда, махсус штраф та каралган. Ә яктырткычларны китап кибете, почта бүлекчәләреннән сатып алырга була икән.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев