Азнакайда “Игътибар, балалар!” профилактик акциясе бара

Балалар катнашындагы юл-транспорт вакыйгаларын булдырмау, алар тарафыннан юл хәрәкәте кагыйдәләрен бозуны кисәтү әлеге чараның төп максаты булып тора.

– Алда – җәйге каникуллар. Бу балалар күп вакытын урамда үткәрәчәк дигән сүз. Хөрмәтле әти-әниләр, юлларда балалар һәлакәткә юлыкмасын дисәгез, алдан ук юл йөрү кагыйдәләрен аңлатыгыз. Балаларга юлга якын ураннырда уйнарга рөхсәт итмәгез. Юлны бары тик тиешле урыннардан гына чыгарга кирәклеге турында кисәтегез. Үзегез дә юлны бары тик светофорның яшел төсенә генә чыгыгыз, истә тотыгыз, балалар сезне кабатлый.  Узган ел безнең район юлларында балалар катнашында дүрт авария булды. Балалар иминлеге – үзебезнең кулларда. Машинада да махсус креслолар кулланыгыз, – ди район ЮХИДИ бүлеге җитәкчесе вазифасын башкаручы Илнар Гыймаев.