"Азнакай" санаториясенә алтайлылар килгән
Кунаклар ял итүне югары бәяләде.
"Маяк" газетасына 2021 нче елның II нче яртыеллыгына язылу тәмамланып килә. Әлеге көннәрдә матбугатка язылу кысаларында "Маяк" редакциясенең баш мөхәррире Фәрхәт Шәйхулов "Азнакай" санаториясендә эшләүчеләрне, ял итүчеләрне газета белән таныштырырга барды. "Азнакай" санаториясе республикабызда билгеле, заманча җиһазланган ял итү урыны. Монда илебезнең ерак почмакларыннан да дәваланырга, сәламәтлекләрен ныгытыр өчен киләләр. Ял итүчеләр белән очрашуда Алтай республикасыннан килгән кунаклар беләндә аралашырга туры килде.
"Монда ял итәр өчен яхшы мөмкинлекләр тудырылган, барлык процедуралар да безгә бик ошады. Азнакай шәһәре чиста, төзек һәм матур, халкы кунакчыл һәм итагәтле. Безгә күрсәтелгән ихтирам өчен санаторий җитәкчесе Рөстәм Дәүләтшинга ихлас күнелебездән рәхмәтләребезне җиткерәбез", - дип белдерде әңгәмәбездә Алтай кунагы - Галия ханым.
Азнакай санаториясе күп еллар "Маякка" язылучылар арасында оештырылган бәйгегә олы приз - дәвалау оешмасында ял итәр өчен юллама белән иганәчелек итә. Исегезгә төшерәбез, 30 июнь көнне язылучылар арасында "Азнакай" санаториясенә юллама уйнатылачак.
“Маяк” газетасына язылырга ашыгыгыз, барыгызны да бәйгедә катнашырга көтеп калабыз!
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев