Азнакайда кече яшьтәге балалар арасында шахмат турниры үтте

21 нче “Сандугач” балалар бакчасы базасында районның мәктәпкәчә белем бирү учреждениеләре арасында шахмат турниры үтте. Анда 17 бала осталыкта көч сынашты.

Шахмат уйнауның баланың үсешенә бик уңай йогынты ясавы барыбызга да билгеле: ул күзаллауны киңәйтергә, мәгълүматны гомумиләштерергә һәм чагыштырырга, кыска вакыт эчендә дөрес карарлар кабул итәргә, үз гамәлләренең нәтиҗәләрен алдан күрергә, һәр гамәлне логик анализларга, ә иң мөһиме һәрвакыт уйларга ярдәм итә.

Туринрда көндәшләрнең көчләре тигез булса да, бары иң көчлеләр генә җиңүгә иреште.

Беренче урынга 14 нче балалар бакчасыннан Әмир Хәбипов һәм 18 нче балалар бакчасыннан Кирилл Князев чыктылар. Икенче урынга Арина Вәлиева (9 нчы балалар бакчасы) лаек булды. Өченче урында – Нурия Фәйзуллина (1 нче балалар бакчасы), Азамат Кәримов (3 нче балалар бакчасы), Артур Әминов (14 нче балалар бакчасы), Йосыф Шәйдуллин (18 нче балалар бакчасы), Марат Афзалов (21 нче балалар бакчасы).